Последна „кралска“ понуда за Килијан Мбапе – 200 милиони евра
И натаму со големо внимание се следи ситуацијата околу тоа дали Килијан Мбапе ова лето ќе се пресели од ПСЖ во редовите на Реал Мадрид.
Препорачано
Францускиот репрезентативен напаѓач уште еднаш докажа дека е во одлична форма, изминатиот викенд во дебито на Лионел Меси за париските „светци“ постигна два гола во гостинскиот триумф над Ремс (0:2).
Првите луѓе на актуелниот вицешампион на Франција сè уште не одговориле на понудата на Шпанците, вредна 180 милиони евра. Доколку не добијат повратна информација, Мадриѓаните ќе излезат со последната понуда.
Шпанските медиуми пренесуваат дека Реал е подготвен да понуди 200 милиони евра за играчот на ПСЖ. Вредноста на трансферот би била 170 милиони, а уште 30 милиони Мбапе би добил како бонуси.
? BREAKING ! S'ils n'obtiennent pas une réponse pour leur précédente offre avant 18h, le Real Madrid fera une dernière grosse offre à… 200M€ (170M€ + 30 en bonus) pour Kylian Mbappé.
? @SkyKaveh pic.twitter.com/zn0hhZTQkr
— Vines Foot (@VinesFoot) August 30, 2021
Реакцијата на парижаните сè уште се чека. Мбапе одби да потпише нов договор и во летото 2022 година има можност да замине како слободен играч без надомест. Тој веќе во неколку наврати истакна дека има желба да го носи дресот на „кралскиот клуб“.
Тренерот на ПСЖ, Маурисио Покетино изјави дека сè уште смета на Мбапе и дека е вистинско богатство за тимот од Париз. Летниот преоден рок официјално завршува во вторник, 31 август.
