После Милано, шампионските соништа на Наполи добија нов жесток удар
„Наполитанците“ предводени од тренерот Лучано Спалети не само што го претрпеа првиот пораз во Серија А од Интер во Милано, туку и останаа без главниот играч во нападот, Виктор Осимен кој е најдобар стрелец во досега сезонава со пет голови.
Нигерискиот напаѓач мечот против „нераѕурите“ го заврши пред крајот поради незгоден удар во лицето. Осимен денеска беше опериран во болница во Милано, и според најавите ќе паузира три месеци.
Според официјалните информации кои ги објави Наполи, напаѓачот имал фрактура на јаболчницата на неколку места. Играчот по операцијата се чувствува добро, ќе остане во болница на опсервација уште неколку дена, а потоа ќе биде пуштен на домашно лекување.
А во следните 90 дена, според сегашните проценки, нема да биде на теренот. Воедно тоа значи дека репрезентацијата на Нигерија за Африканскиот куп во јануари нема да може да смета на Осимен.
Victor Osimhen has been ruled out for three months after suffering multiple facial fractures.
He will miss the African Cup of Nations 🇳🇬 pic.twitter.com/hLLgGkvwKJ
— GOAL (@goal) November 23, 2021
Моментно на табелата во најсилното италијанско првенство Наполи ја дели првата позиција со Милан со по 32 бодови, четири повеќе од третопласираниот Интер.