После 43 обиди, Роналдо конечно реализираше од слободен удар! (ВИДЕО)
Денеска во рамките од 30 коло во најсилното италијанско првенство екипата на Јувентус ја оправда фаворитската улога против Торино (4:1).
Гол серијата ја стартуваше Дибала уште во третата минута од средбата, па зголеми Квадрадо по додавањето на Роналдо.
Ronaldo scores brilliant free kick against Torino. Ronaldo has more free kick goals in July than Messi!! pic.twitter.com/iMby9Egcut
— chicken (@_1chicken) July 4, 2020
Непосредно пред паузата од пенал намали Белоти, а во вториот дел, поточно во 61 минута за 3:1 се погрижи Роналдо.
После 43 обиди, првата ѕвезда на „Старата дама“ конечно успеа да реализира од слободен удар. Конечниот епилог беше поставен во самиот финиш со автоголот на Џиџи.
На табелата Јуве е на првото место со 75 бодови, седум повеќе од Лацио кој својот меч ќе го има вечерва во дербито против Милан (21.45 часот), а претходно од 19.30 часот силите ќе ги одмерат Сасуоло и Лече.