После 137 години симболот на Барселона, Саграда Фамилија, доби градежна дозвола
Симболот на Барселона, базиликата Саграда Фамилија, која е проектирана од каталонскиот архитект Антони Гауди,после цели 137 години доби дозвола за градење.
Спектакулраната, но недовршена црква, која во 2005 година беше ставена на листата на УНЕСКО како светско наследство, годишно ја посетуваат повеќе од четири милиони луѓе.
Изградбата почнала во 1882 година, а во 1926 година, кога починал Гауди, не била завршена ни четвртина.
Шпанските власти во 2016 година сфатиле дека за оваа базилика никогаш не била добиена планска дозвола, што значи дека без градежна дозвола дејствувала повеќе од еден век.