Послаб земјотрес почувствуван во Гевгелија и околината – Слободен печат
ВестиРегион

Послаб земјотрес почувствуван во Гевгелија и околината

Земјотресот имаше локална Рихтерова магнитуда ML3.8, а беше почувствуван од населението во Гевгелија и околината, соопштуваат од Сеизмолошката опсерваторија.

Земјотрес со интензитет од речиси четири степени според Европската макросеизмичка скала, чиј епицентар бил во Грција, е почувствуван вечерва во Гевгелија и околината.

„Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје,  вечерва во 20 часот и 33 минути регистрираше земјотрес чиј епицентар се наоѓа на 200 km југоисточно од Скопје и потекнува соседна Грција. Земјотресот имаше локална Рихтерова магнитуда ML3.8, а беше почувствуван од населението во Гевгелија и околината, со интензитет од III степени според Европската макросеизмичка скала“, соопшти вечерва Сеизмолошка опсерваторија при Природно-математичкиот факултет во Скопје.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close