Пошта чека зелено светло од Владата за да склучи договор со некоја банка

Поради прекинатиот договор со Еуростандард банка, на нивните шалтери не може да се плаќаат сметки за комунални услуги и да се врши исплата на пензии и на социјална помош.

Сѐ уште нема ништо за обновувањето на платниот промет преку поштенските шалтери. Од Пошта за „Слободен печат“ велат дека и тие чекаат да добијат зелено светло од Владата. Иако беше закажана за денес, владината седница на која неофицијално треба да се расправа за овој проблем е одложена за утре. Од Владата велат дека е можно оваа тема да се најде како точка за расправа на денешната седница.

Пошта треба да добие дозвола за да преговара и да склучи договор со друга банка, за преземање на шалтерите за платен промет и за достава на пензиите. Оваа институција веќе две недели е без платен промет по пропаѓањето на Еуростандард банка. Поради прекинатиот договор со оваа банка, на нивните шалтери не може да се плаќаат сметки за комунални услуги и да се врши исплата на пензии и на социјална помош. Ејуп Рустеми, генерален директор на Македонски пошти, неколкупати апелираше дека мора итно да се потпише договор со друга банка.

Прочитајте и...  По поддршката во Сенатот со 52 гласа „за“ и 48 „против“: Еми Кони Берет положи заклетва за судија на Врховен суд на САД

Неопходно е да се има предвид информацијата дека Еуростандард банка имаше околу 50.000 приматели на пензија, а уште дваесетина илјади не го завршија трансферот во друга банка. Банките пред чии филијали и понатаму има огромни метежи, поради пандемијата го намалија и бројот на активни филијали, што уште повеќе ја усложнува целата операција. Пензионерите што ги примаа пензиите на домашна адреса, треба да отворат трансакциска сметка во друга банка и да ја подигнат пензијата. Рокот за отворање нова сметка заради навремено добивање на пензијата, заврши на 21 август. Ова значи дека оние што не успеале да отворат нова сметка, ќе ја добијат пензијата во текот на следниот месец.

– Чекам да отворам сметка и да ја земам пензијата. Гледам колкави се редиците, но немам друго решение. Се плашам за своето здравје, бидејќи се направија метежи затоа што некои филијали се затворени, па граѓаните сега шетаат во потрага по отворена банка и се собираат повеќе луѓе на едно место – вели пензионер што чекаше пред филијалата на една банка.

Прочитајте и...  Финансиско освежување: Од денеска почнува етапната исплата на октомвриските пензии

Пензиите преку деловните банки ќе почнат да се исплаќаат од 26 август. На корисниците ќе им бидат достапни преку банкоматите и во трговската мрежа, а готовинската исплата ќе се врши во четири групи на 26, 27 и 28 август и на 1 септември. Овој месец, корисниците на пензии што ја добиваа пензијата на сопствената адреса преку Пошта, нема да може да го остварат тоа право.

Пропаднатата Еуростандард банка склучила петнаесетгодишен договор со Пошта во 2016 година. За имплементација на банкарскиот систем на поштенските шалтери, вработените поминале долгогодишна обука и прилагодување на системот. Директорот Рустеми објасни дека со договорот што го имале со Еуростандард банка, директно или индиректно биле ангажирани 870 вработени за работи поврзани со платниот промет. Поштата има 326 објекти и околу 500 шалтери, на кои даваат услуги на граѓаните на територијата на државата.

Прочитајте и...  Извештај на ИЈЗ: Скопје со најмногу заразени, најголем дел од регистрираните на возраст од 30-39 години

Засега никој не знае кога може да се очекува почеток на преговорите со другите деловни банки.

Поврзани вести

Јовески: Има многу отворени прашања за судења онлајн, моментално нема законски основи

Слободен печат

Рама не го премисли ни Вархеји, „спорниот” изборен законик ќе се прегласува в четврток

Илинка Иљоска

Собранието го донесе Законот за спречување и заштита од дискриминација

Слободен печат

До СЗО стигна пријава за забрзана регистрација на вакцината Спутник V

Илинка Иљоска

ВИДЕО+ФОТО: Протест на Синдикатот на полицијата – Бараат враќање на професионализмот и подобри услови

Алек Стојковски

Црн вторник за Албанија, 7 починати и нови 284 заразени од коронавирус

Илинка Иљоска

Остави Коментар