Привремената суспензија на данокот на додадена вредност на основните прехранбени производи резултираше со пониски цени благодарение на трговците на мало кои не ја искористија мерката за зголемување на профитните маржи, рече премиерот португалскиот премиер Антонио Коста. Во април, владата ја суспендираше наплатата на ДДВ за 46 основни прехранбени производи на шест месеци за да го олесни товарот на семејствата од тврдоглаво високите цени. Листата вклучува млеко, леб, ориз, домати и група производи од месо и риба. Пред потегот на Владата, стапката на ДДВ беше шест проценти. Посебните анализи на агенцијата за храна и економска безбедност AСАЕ и најголемото португалско здружение за заштита на потрошувачите ДЕКО Протесте, спроведени од средината на април до средината на мај, покажаа пад на цените на кошничката на овие производи за 7,6, односно 7,9 отсто, рече премиерот.

„Во земја каде што платите и пензиите се ниски, високата инфлација неизбежно ги погоди приходите на луѓето… но мерката (намалувањето) на ДДВ на нула проценти резултираше со пад на цените на основните производи, рече Коста во парламентот. Според него, мерката била договорена со производителите и трговците „за да се обезбеди намалувањето на ДДВ да се одрази со пад на цените на основните производи и токму тоа се случува“. Инфлацијата во Португалија забави на 5,7 отсто во април, од 7,4 отсто во март, со знаци на забавување на растот на цените на храната. Според владината прогноза, инфлацијата годинава треба да се спушти на 5,1 отсто, од 7,8 отсто во 2022. Европската комисија прогнозира дека таа ќе достигне 5,6 отсто, информира Хина.