Пред почетокот на Европското ракометно првенство никој не зборуваше за нив, дури и им најавуваа дека нема да ја поминат ниту прелиминарната фаза, но во последните пет години имаат голем подем.

Португалија после 14 години е повторно дел од еврошампионатите, ракометарите предводени од селекторот Пауло Фереира приредија големо изненадување во прелиминарната фаза ја совладаа Франција, триумфираа над Босна и Херцеговина, а загубија од Норвешка.

Look. At. This.
?@AndebolPortugal ??#ehfeuro2020 #dreamwinremember pic.twitter.com/2pXsApB75C

— EHF EURO (@EHFEURO) January 17, 2020

Победнички ја стартуваа главната фаза во Малме, направија уште едно големо изненадување совладувајќи еден од организаторите на турнирот, Шведска која е освојувач на четири европски знатни медали.

Португалците неочекувано убедливо со 35:25 ги совладаа Швеѓаните и со овие бодови се сериозни кандидати за една од првите две позиции во групата 2 кои водат во полуфиналето.

По шест голови имаа Фераз, Махалгаеш и Силва, а во поразените редови по четири запишаа Петерсон и Нилсон.

Претходно во истата група Норвешка триумфираше над Унгарија (36:29), а Словенците беа подобри од Исланд (30:27). Табела: Норвешка 4 бодови, Словенија 4, Португалија 2, Унгарија 2, Шведска 0, Исланд 0.

Двојките во второто коло (19. јануари) се Португалија-Исланд, Словенија-Унгарија и Норвешка-Шведска.