Актуелниот европски шампион Португалија доживеа убедлив пораз од Германија во второто коло на Евро 2020. Германија во Минхен славеше со 4:2, а португалските медиуми признаа дека нивните фудбалери во целост биле надиграни.
„Германските тенкови ја уништија слабата португалска одбрана“ е најсловот на спортскиот весник „А Бола“ кој потоа пишува:
„Роналдо во 15. минута и донесе водство на Португалија, но до крајот на полувремето автоголовите на Рубен Дијаш и Рафаел гереро го покренаа колапсот на одбраната на европскиот шампион кој во второто полувреме беше докрајчен од Хаверц и од Госенс. Диого Жота успеа само да го ублажи поразот. Со овој резултат, Португалија падна на третото место во групата со три бода и во последното коло за пласман во осминафиналето мора да се бори против светскиот шампион Франција“.
Весникот „Рекорд“ пишува дека пред Португалија е најтешката задача, да се вади против првиот фаворит за титулата, ререзентацијата на Франција.

ВИДЕО: Фантастичен натпревар во Минхен, Германија го растури европскиот шампион