Порто не мисли на ЛШ, здравјето на Кинтана е најважно
Голманот на Порто и на португалската репрезентација, Акфредо Кинтана од понеделникот вечерта се наоѓа во индуцирана (вештачка) кома откако доживеа срцев удар за време на тренингот со својот тим.
Ракометарите на Порто меѓу кои е и голманот на македонската репрезентација, Никола Митрески, од час во час ги очекуваат вестите за здравствената состојба на Кинтана кој се уште се наоѓа во индуцирана кома во болницата „Сао Жоао“ во Порто.
Голманот на Порто е ставен во вештачка кома, наредните 24 часа се клучни за неговиот живот
Порто вчера требаше да му гостува на Брест Мешков во Лигата на шампионите, но белорускиот тим објави дека нивниот противник одлучил дека нема да го игра овој натпревар, како и претстанатите два натпревари од групната фаза во ЛШ, против Елверум и Фленсбург.
Очекувано, здравјето на голманот Кинтана е најважно во овие моменти за сите во Порто.
„Му посакуваме на Алфрдо брзо опоравување и им се извинуваме на навивачите кои можат да си ги вратат парите за влезниците“, објави Брест Мешков.
ЕХФ дополнително ќе одлучува дали неодиграните натпревари на Порто ќе ги регистрира со службен резултат 10:0 или ќе најде друго решение.
ЕХФ исто така одлучи поради пандемијата на коронавирусот, сите екипи кои играат во групната фаза, а меѓу нив е и Вардар, да обезбедат пласман во осминафиналето, но засега тоа во редовите на Порто е во втор план.
Колегата на Митревски во Порто доживеа срцев удар сред тренинг