-4.2 C
Скопје

Порталот „Слободен печат“ од денеска на пет регионални јазици

Почитувани читатели на порталот Слободен печат.мк

Од денеска на нашиот портал ви овозможуваме, со еден клик, сите информативни, спортски и забавни содржини, подготвени од новинарскиот тим, да ги прочитате освен на македонски и на следните регионални јазици: албански, српски, турски, бугарски и грчки.

Оваа можност ја воведуваме со намера нашите содржини да ги направиме  поблиски и подостапни не само до домашната публика од различни етнички групи туку, како што се развиваме и напредуваме и до читателите од соседните земји.

Порталот „Слободен печат“ кој е еден од најчитаните и најрелевантните информативни портали во Македонија ќе продолжи како и досега да информира точно, проверено, навремено и аналитички за сите случувања во земјата, во регионот и во светот, нудејќи истовремено и интересни, забавни и едукативни  содржини за различната структура на нашата публика и нејзините афинитети.

 Продолжуваме да ја шириме читателската публика, отворајќи истовремено и поле за конструктивна дебата, соочување на различни мислења и ставови, откривање и решавање на проблемите од целокупниот општествено – политичкиот живот со кои се соочуваат во своето секојдневие граѓаните на Македонија и пошироко.

„Слободен печат“ ја продолжува соработката со афирмирани медиуми од регионот:  „Ослобоѓење“ од Сараево, „Вјести“ од Подгорица, „Капитал“ од Софија, „Недељник“ и „Бета“ од Белград, „Ефимерида тон синтактон “ од Атина, „Андолу Ејџенси“ од Анкара и други. Преку размена на содржини со нив, со новата опција за преведување на новинарските написи, ќе се овозможи да се прошири кругот на читатели во регионот и што е можно повеќе различни теми и пристапи да бидат изложени пред пошироката јавност.

 Секој наш новитет е мотивиран од настојувањата да развивавме дијалог и да шириме толеранција и меѓусебно почитување и разбирање, размена на искуства и справување со предизвиците со кои се соочуваат подеднакво сите граѓани од балканските земји.

 Ви благодариме на довербата, продолжуваме понатаму, читајте „Слободен печат“ онлајн 

Прочитајте и...  Затворен угостителски објект во Боговиње поради непочитување на ковид мерките

Поврзани вести

ВИДЕО | Последен говор на Трамп: Не го спомена Бајден, ама нагласи дека е прв претседател кој не почнал војна

Слободен печат

ВИДЕО | Бајден не можеше да ги скрие солзите пред своите сограѓани: Извинете за емоциите, сакам само покојниот син да беше тука

Слободен печат

Ердоган најави радикални реформи во економијата и судството

Слободен печат

Усвоен планот за распределба на административните службеници во земјава

Слободен печат

Помпео: Мултикултурализмот не е својствен за Америка

Слободен печат

Јанша: Вакцинација на 70 отсто од населението во Словенија до почетокот на летото

Слободен печат

Остави Коментар