Управата на РК Еурофарм Работник денес спогодбено ја прекина соработката со тренерот Стевче Алушовски. Причина за отказот на Алушовски се слабите игри во Лигата на шампионите, а чашата ја прели поразот од Металопластика во СЕХА лигата.

– Управата на РК Еурофарм Работник денес спогодбено ја прекина соработката со досегашниот прв тренер на клубот г-дин Стевче Алушовски. На вечерашниот состанок заеднички е констатирано дека во интерес на клубот и понатамошните настапи на екипата во ЛШ и СЕХА лигата најдобро е да дојде до прекин на соработката.

Управата на РК Еурофарм Работник му се заблагодарува на досегашниот ангажман на г-дин Стевче Алушовски, му посакува многу здравје и понатамошни спортски успеси – стои во соопштението на Еурофарм Работник.

Еурофарм Работник во дебитантскиот настап во ЛШ на девет натпревари имаат само две победи и седум порази, додека во СЕХА лихата, на седум натпревари оствари само три победи.