Пораст на бројот на заразени од коронавирус во регионот, најтешка состојбата во Унгарија

epa09022432 Polish medical staff works at the Ministry of the Interior and Administration Hospital in Warsaw, Poland, 18 February 2021, amid the ongoing pandemic of the COVID-19 disease caused by the SARS-CoV-2 coronavirus. EPA-EFE/Leszek Szymanski POLAND OUT

Бројот на пациенти заразени со коронавирус во земјите од регионот денеска бележи пораст во споредба со претходните денови, а најтешка е состојбата во Унгарија, каде се регистрирани 4.948 инфекции и 107 смртни случаи.

Според извештаите на медиумите, во Србија се регистрирани 3.210 новозаразени и 15 починати.

Во Хрватска, пак, во последните 24 часа се потврдени 520 нови случаи, додека осум лица починале. Во Хрватска се пријавени и два случаи на инфекција со јужноафриканскиот вид коронавирус, а откриен е кај две лица кои се вратиле од Занзибар.

Вкупно 711 новоинфицирани лица се регистрирани во Босна и Херцеговина, а 17 лица починале, што е пораст во споредба со вчерашниот ден, кога имаше 469 новоинфицирани лица.

Во последните 24 часа во Република Српска, Ковид-19 беше потврден кај 192 лица, додека шест смртни случаи беа пријавени во Институтот за јавно здравје на РС.

Во Црна Гора има 543 лица заразени со вирусот и шестмина починати.

Словенија регистрираше 948 нови случаи на коронавирус и 13 починати.

Што се однесува до Романија, 3.432 лица се разболеле и 54 починале, а во Бугарија бројот е двојно помал – 1.681 заразен и 49 починати пациенти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот