Поранешниот тренер открива како се чувствува Ѓоковиќ: Тажен е, се повлече во себе по дисквалификацијата
Радек Степанек заедно со Андре Агаси му беше тренер на српскиот тенисер.
Поранешниот чешки тенисер, Раде Степанек, кој една година му беше тренер на Новак Ѓоковиќ, застана во одбрана на српскиот тенисер по неговата дисквалификација од УС Опен.
– Знам дека е многу тажен и е потресен, се повлече во себе и многу тагува. Тој пати бидејќи немаше никаква намера и тој податок само ја зголемува неговата болка. Тешко му е бидејќи сите знаеме колку е гладен за трофеите и сака да стане тенисер со највеќе освоени грен слем титули. Убеден сум дека знаеше како што и сите ние знаевме – дека трофејот во Њујорк му беше на дофат на раката. Сите овие работи го прават тажен бидејќи и тој самиот знае дека тоа што го направи беше погрешно – изјави Степанек за американските медиуми.
– Очигледно е дека има преголем притисок врз рамењата на Ѓоковиќ, а тука се и критиките. Тешко му е, работи напорно да биде подобар. До крајот на кариерата можеби ќе стане најголем тенисер на сите времиња, но сите сме човечки сусштевства и имаме право на грешка – додава Степанек.
Поради дисквалификацијата, Новак Ѓоковиќ остана без заработката од УС Опен која изнесува 250.000 долари, а е казнет и со 10.000 долари поради инцидентот.
Мора да се шегувате: Ѓоковиќ не требаше да биде дисквалификуван! (ВИДЕО)