Поранешниот тренер на Вардар, Раул Гонзалес е фаворит за селекторската позиција во Србија, пренесува српски „Моцарспорт“.

Во српската јавност уште претходно се шпекулираше за можна селекторска смена на актуелниот селектор Борис Ројевиќ, а тие најави се зголемија по вчерашниот изненадувачки пораз од Италија во квалификациите за Европското првенство.

Според информациите, Гонзалез уште пред натпреварот бил на преговори во Белград и сето тоа го дознале и сите во репрезентацијата, но на крајно необичен начин.

Имено, како што пренесува „Моцартспорт“ на аеродромот „Никола Тесла“ дошло до средба на членовите на стручниот штаб и ракометарите со тренерот Раул. Ракометарите се подготвувале за летот за Рим, додека Раул се враќал во Париз.

Во Србија се убедени дека посетата на Раул не е случајна и дека тој земјата ја посетил за да преговара за селекторското место. Најавите се дека тој би можел да го наследи Ројевиќ во јуни 2025 кога му завршува договорот со ПСЖ. Ќе потсетиме, Раул успеа да го одведе Вардар до првата европска титула во 2017 година.