Поранешниот сопруг на Памела Андерсон, рокерот Томи Ли (58), во интервју за „Yahoo Entertaiment“ признал дека имал голем проблем со алкохолот, изјавувајќи дека пиел дури седум литри вотка на ден.

Томи Ли и Памела Андерсон се венчале во 1995 година на плажа во бикини. Овој брак траел три години. Но, и покрај разделбата, останале во контакт. Тие имаат два сина, Брендон Томас Ли (24) и Дилан Џегер Ли (22).

На 5 март 2018 година, Томи јавно ја критикуваше Памела за лагите кои ги изнела во едно од нејзините интервјуа кога зборувала дека тој постојано ја напаѓал.

„Пиев од досада. Кога ќе се разбудев веднаш си правев коктел со вотка… Пиев седум литри вотка на ден. Тоа беше лудо. Тогаш сфатив и си реков: – Момче, премногу пиеш, ќе умреш“, рекол Томи.

Тој исто така открил дека му помогнала неговата сегашна сопруга Британи (34), која му рекла дека мора да оди на рехабилитација.

„Таа ми кажа: – Душо, мислам дека никогаш не сум видела некој да пие толку многу. Ме плашиш“, изјавил Томи.

„Дефинитивно беше исплашена, а нејзината грижа очигледно ми помогна во одлуката да се вратам на рехабилитација“, изјавил рокерот.