Врховниот суд на САД ги отфрли тужбите против поранешниот претседател Доналд Трамп кои го товареа дека за време на мандатот ги прекршил одредбите на Уставот за спречување на корупција со задржување на сопственоста врз неговата деловна империја, вклучително и хотел во близина на Белата куќа.

Судиите ги отфрлија одредбите на пониските судови кои дозволија тужби – една поднесена од Вашингтон и државата Мериленд и друга поднесена од обвинители, а, исто така, одбија да ги сослушаат жалбите на Трамп против тие одлуки. Тие им наредија на пониските судови да ги отфрлат спорните случаи.

Во тужбите се тврдеше дека Трамп ги прекршил одредбите на Уставот за спречување на корупција, со кои се забранува прифаќање подароци и пари од странски влади и федерални влади без одобрение на Конгресот.