Поранешниот претседател тври дека долговите на Реал Мадрид изнесуваат милијарда евра и упати сериозни критики за одлуката на актуелниот претседател Флорентино Перез да го продаде Кристијано Роналдо.

– Кога Кристијано беше продаден, беше јасно дека на екипата и се потребни адекватни засилувања за да се пополни празнината која настана по заминувањето на најдобриот играч, но и маркетиншки најисплатлив за клубот. Тажната вистина е дека касата на Реал Мадрид не само што е празна туку е оптеретена со огромни долгови кои изнесуваат околу милијарда евра – изјави Калдерон за „Desafio Nacex“.

Реал Мадрид во летниот преоден рок не потроши ниту едно евро што претставува вистинско изненадување, а згора на тоа беа продадени и позајмени фудбалери кои го оптоваруваа буџетот (Бејл, Хамес Родригез), но во исто време е во завршна фаза реновирањето на стадионот „Сантијаго Бернабеу“. Овој потфат Реал Мадрид ќе го чини 575 милиони евра, но доколку се додадат и каматите кои клубот мора ги плати за кредитите, тогаш сумата е далеку поголема.
Реновирањето на „Сантијаго Бернабеу“ започна пред избивувањето на корона кризата и бидејќи клубот веќе ги подигна кредитите и започна до градежните работи, на претседателот Флорентино Перез не му преостана ништо освен да продолжи со проектот и да се надева на подобри времиња.
Реновираниот „Сантијаго Бернабеу“ треба да претставува фабрика за пари, но поради кризата сето тоа е доведено во прашање поради економската криза.
Проблемите за Перез не се само со стадионот, туку и со главните спонзори. Во Мадрид се шпекулира дека Флај Емирати и Адидас не само што нема да можат да го испочитуваат постигнатиот договор за зголемување на сумите кои ќе ги плаќаат, туку ќе мораат да ги намалуваат и актуелните договори. Реал Мадрид има договор со Флај Емирати тежок околу 40 милиони евра, додека до Адидас тој изнесува 110 милиони евра годишно.

Токму поради економските причини, но и голгетерски, Реал Мадрид не смееше да го продаде Кристијано Роналдо во 2018 година, смета Калдерон.
– Вистинска лудост е да се откажете од фудбалер кој постигнува толку многу голови, но во исто време е и „златна кокошка“ кога станува збор за спонзорите – вели Калдерон.

ВИДЕО: Реал го освои „Камп Ноу“, сомнителен пенал и еврогол на Модриќ!