Поранешниот претседател на Ерменија осомничен за проневера на милион долари
Ерменската Служба за специјални истраги денеска соопшти дека поранешниот претседател и премиер на оваа земја, Серж Саргсијан, е осомничен за вмешаност во проневера на повеќе од милион долари државни средства наменети за субвенционирање на гориво за земјоделците.
Истражителите од него побарале да не го напушта главниот град Ереван и во него да ја чека истрагата.
Според ерменскиот закон, доколку се докаже вина тој може да биде осуден на казна до осум години затвор.
Саргсијан на функцијата премиер се префрли во 2018 година, по двата мандати минати на функцијата претседател на Ерменија, но набрзо потоа беше симнат од власт од демонстрациите што ги предводеше Никол Пашинијан, кој подоцна го замени на местото претседател на ерменската Влада.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот