Поранешниот претседател Црвенковски еден од учесниците на Копаоник бизнис-форумот
Од другите гости од Македонија, во Србија ќе бидат и бизнисменот Светозар Јаневски од винарницата „Тиквеш“ и претседателот на Стопанската комора на Македонија, Бранко Азески.
Од 1 до 4 март годинава, во Конгресниот центар на хотелот „Гранд“ во Копаоник ќе се одржи бизнис-форум, на кој дел од главните теми ќе бидат „одливот на мозоци“ и четвртата индустриска револуција.
На форумот се предвидени панели за четвртата индустриска револуција, дигитализацијата, образованието, паметната специјализација, политиките на вработување и друго.
Копаоник бизнис-форумот е познат по тоа дека присуство земаат многу државници, претставници на меѓународни финансиски институции, бизнисмени, инвеститори, членови на дипломатскиот кор и многу друго.
Оваа година учеството го потврдија многу истакнати луѓе од оваа сфера, а меѓу другите гости, на Копаоник бизнис-форумот, заедно со други поранешни државници, ќе учествува и поранешниот македонски претседател Бранко Црвенковски.
Од другите гости од Македонија, во Србија ќе бидат и бизнисменот Светозар Јаневски од винарницата „Тиквеш“ и претседателот на Стопанската комора на Македонија, Бранко Азески.
Копаоник бизнис-форумот го организира Сојузот на економисти на Србија во соработка со Мастеркард.