Познатиот српски тренер Александар Трифуновиќ кој моментно е тренер на Игокеа, доживеа мозочен удар. Тој веднаш е хоспитализиран во Универзитетскиот клинички центар во Република Српска во Бањалука и неговата состојба е стабилна, пренесува „Вечерње новости“.

На поранешниот кошаркар на Црвена звезда му се слошило во својот дом во Бања Лука, но останал присебен и го повикал поранешниот играч на Игокеа, а сегашен член на раководството, Вук Радивојевиќ кој го однел во болница.

Искусниот 52-годишен тренер ова лето потпиша двегодишен договор со Игокеа заменувајќи го Драган Николиќ.  Трифуновиќ зад себе има големо тренерско искуство и во досегашната тренерската кариера ги предводел Црвена звезда, Литвос Ритас, Жалгирис, Паниониос, стана, Јешилгиресун и Пинар Каршијака.