Поранешен српски кошаркар кој не смее да влезе во Хрватска е во притвор поради семејно насилство
Според српски “Курир“, на поранешниот кошаркарски репрезентативец на нашиот северен сосед, Милан Гуровиќ му е одреден притвор. По налог на третото основно обвинителство во Белград, одреден му е притвор од 48 часа во кој за тоа време ќе биде однесен на сослушување во обвинителството поради семејно насилство. Тој ја претепал сопругата Тања, а повреди на главата има и неговата ќерка Милица.
На Гуровиќ му беше изречена мерка за забрана на приближување на сопругата, исто така изречена му е итна мерка за одалечување од станот. Меѓутоа кога обвинителството извршило увид во извештаите на полицијата, одлучи да одреди мерка притвор за да не го повтори кривичното дело и да не влијае врз сведоците.
Интересно е што Милан Гуровиќ има забрана за влез во Хрватска поради тетоважа. Поранешниот кошаркар на Партизан и на Црвена звезда и капитен на репрезентацијата на Србија, не смее да влезе во Хрватска бидејќи на своето тело го има истетовирано Драгољуб „Дража“ Михајловиќ.