Телото на тогаш 34-годишниот Лоренцен Рајт беше пронајдено на 28 јули 2010 година, десет дена откако беше пријавен за исчезнат, а помеѓу главните осомничени за убиството беше неговата сопруга Шера Рајт-Робинсон.

Таа била последната која го видела Лоренцен жив, и тоа на 18 јули кога според нејзиното сведочење, кошаркарот со неодредена количина на дрога и пари излегол од домот.

Била покрената голема потрага по НБА кошаркарот и неговото тело е пронајдено на 28 јули на периферијата на Мемфис.

Lorenzen Wright's ex-wife pleaded guilty to facilitation of murder in the first degree on Thursday.

In 2015, this is what Sherra Wright said when asked if she was involved in Wright's 2010 murder. pic.twitter.com/Iho1OBBQeN

— Sports Illustrated (@SInow) July 25, 2019

Шера Рајт-Робинсон со години глумеше дека не може да ја преболи смртта на својот сопруг, но истрага покажа дека токму таа била организатор на убиството, а сето тоа го испланирала за да наплати еден милион долари од животното осигурување во случај на смрт на својот сопруг.

Шера е уапсена во 2017 година откако е пронајдено огненото оружје со кое е извршено убиството. Мисионерот во Баптистичката црква чиј член била и Шера, Били Р. Тарнер е главен осомничен дека го извршил убиството. Откако и биле приложени сите докази, Шера Рајт-Робинсон го признала убиството, а судот ја осуди на 30 години затворска казна.

Лоренцен Рајт и Шера имаа дури шест деца, а кошаркарот во НБА лигата играше 13 години и тоа за екипите на ЛА Клиперс, Атланта, Мемфис, Сакраменто и Кливленд.