Поранешниот фудбалер на Шалке, Јаник Камба е жив, тврди „Билд“ кој исто така наведува дека играчот ја лажирал својата смрт пред четири години поради измама со осигурувањето.

Имено сите германски медиуми во 2016 година објавија дека Камба доживеал сообраќајна несреќа во Конго и тогаш е прогласен мртов.

Од него се прости и Шалке, клубот за кој Камба настапуваше со сите младински селекции, како и поранешниот голман на тој тим, а сега на Баерн, Мануел Ноер.

„Билд“ пишува дека Камба тогаш ги искотистил своите врски во Конго за да ги измами осигурителните компании по што на неговото семејство му биле исплатени неколку стотици илјади долари.

Камбга наводно сега живее во германската покраина Рур, од каде е и Шалке, но под друго име и работи во енергетска компанија.

– Истрагата е во тек. Проверуваме дали станува збор за измама – изјави обвинителката Анет Милик.