Припадниците на српското МВР го уапсија поранешниот фудбалер на Партизан Никола Малбаша (роден 1977) поради постоење на основано сомнение дека извршил кривично дело обид за убиство над 47-годишен маж во Земун.

Тој се товари дека на 8 јули годинава, влегол во автомобил на оштетениот и по кратка вербална расправија му задал повеќе убоди со нож во стомак, а потоа истрчал од возилото и побегнал.

На осомничениот му е одредено задржување до 48 часа и тој, со кривична пријава ќе биде приведен во Вишото јавно обвинителство во Белград, објави Новости.

Пред неколку дена медиумите јавија дека Малбаша е во бегство откако се обидел да го убие И.Н. за кого се наведува дека е наркодилер.

Телеграф објави дека И.Н на 8 јули е пронајден во Земун, во својот автомобил со повеќе убодни рани по телото. Крвавата пресметска се случила во Бачка улица поради нерасчистени сметки.

– Кога поранешниот фудбалер на Партизан седнал во автомобилот, почнала расправија околу долгови. Малбаша во еден момент извадил нож и му го зарил на Нешковиќ во стомак и истрчал од автомобилот. Нешковиќ останал беспомошен на возачкото седиште, па веројатно го забележал некој минувач и повикал Итна помош, која го одвела во Ургентниот центар, наведува Телеград, повикувајќи се на неименуван извор.