Поранешен дипломат на Северна Кореја предупредува: Режимот во Пјонгјанг може да падне за 20 години - Слободен печат

Поранешен дипломат на Северна Кореја предупредува: Режимот во Пјонгјанг може да падне за 20 години

По 20 години режимот на севернокорејскиот лидер Ким Џонг-ун може и да го нема, и тоа не поради надворешни дејствија или бунт, туку поради внатрешни промени поврзани со новите генерации, тврди поранешен севернокорејски висок дипломат кој избегал во странство.

– Сметам дека 10 години е премногу кусо време за да падне режимот, но не верувам Ким Џонг-ун да може да се задржи уште 20 години – изјави за медиуми во Токио поранешниот заменик-амбасадор на Северна Кореја во Велика Британија Те Јон-хо.

– Ако живеам уште 20 или 30 години, мислам дека тогаш ќе можам да се вратам во својата земја, рече Те кој ја напуштил дипломатската позиција со ризик за својот живот во август 2016 година.

Тогаш тој избегал од Северна Кореја со своето семејство, а Пјонгјанг го прогласил за криминалец. Дезертерството на дипломати од рангот на Те Јон-хо е исклучително ретко, коментираат светските агенции.

– Не мислам дека во скоро време може да има народен бунт или да има обид со воени средства да се собори Ким Џонг-ун. Но, очекувам повеќе од смената на генерацијата – рече тој.

Блиското опкружување на Ким е на возраст од 60 до 80 години, а промената може да се случи кога овие ветерани ќе се заминат, смета Те.

– Кога тие генерали ќе се пензионираат и на власт ќе дојдат денешните 30, 40 или 50-годишни луѓе, не сум убеден дека тие ќе продолжат да ја споделуваат идеологијата на Ким Џонг-ун. Дури сум сигурен дека ќе му кажат „збогум” – рече поранешниот дипломат.

Те не верува на написите во печатот дека севернокорејски високи претставници биле егзекутирани по неуспехот на втората средба на врвот меѓу Ким Џонг-ун и американскиот претседател Доналд Трамп во Виетнам во февруари. Според него, поверојатно е тие да биле осудени на по неколку месеци работен камп далеку од главниот град.

– Ако Ким Џонг-ун одговорноста за неуспехот целосно ја префрли на другите, би го уништил својот авторитетот како водач, и тој многу добро го знае тоа – истакна Те.

Прочитај повеќе

Бил Гејтс: Моите милијарди покажуваат дека економијата не е фер

Слободен Печат

Напад на Хутите во Јемен, 40 мртви

Слободен Печат

„Женскиот марш“ во Вашингтон со критики кон политиките на Трамп

Слободен Печат

Македонци носеле нерегулиран отпад во Бугарија – сопствениците на компанијатa негираат

Слободен Печат

Над 160 повредени во протестите во Бејрут (ВИДЕО)

Слободен Печат

Академик Георги Старделов ја доби Светската награда за хуманизам 2020

Алек Стојковски

Остави Коментар

5 × one =

Прочитај повеќе

Силен земјотрес ја погоди Индонезија

Слободен Печат

Приведен новинар кој ја откри локацијата на Макрон

Слободен Печат

Јапонија воведува задолжително спиење на работното место

Слободен Печат

Голема снежна бура во Канада: Затворен аеродромот во Њуфаундленд, илјадници луѓе останаа без струја (ВИДЕО)

Слободен Печат

Солзавецот и водените топови се недоволни: Либанскиот претседател бара војската да ги растера демонстрантите (ВИДЕО)

Слободен Печат

Наезда на скакулци во Африка, најголема во последните 25 години

Слободен Печат