Поради намалена мобилност од почетокот на пандемијата: Значителен пад на барањата за азил во Европската Унија
Европската канцеларија за азил (ЕАСО) соопшти дека бројот на апликации за Европската Унија (ЕУ) и за Шенген зоната е за 31 отсто понизок во споредба со истиот период лани. Во август оваа година, 40.000 лица побарале азил во земја од ЕУ, што е 40 отсто помалку од пред седум месеци кога бројката изнесувала над 65.000, покажуваат податоците на Канцеларијата.
Од почетокот на оваа година вкупно 295.075 лица побарале меѓународна заштита, за истиот период во 2019 бројката е помала за 31 отсто, што се должи на намаленото движење и мобилност поради глобалната пандемија на ковид-19, посочува ЕАСО.
Во август годинава, најголем број на баратели на азил доаѓаат од Сирија, од Авганистан, од Венецуела и од Колумбија. Дваесет и шест отсто од барателите добиле позитивен одговор во август, а 23 отсто во јули.