15 C
Скопје

Поради дезорганизацијата со вакцините: Унијата паѓа во очите на балканските народи

Пандемијата и вакцинацијата предизвикаа Европската Унија да наликува на компилација на импровизации и солирања, а не на складен хор и оркестар предводен од врвен диригент што ја изведува Бетовеновата „Ода на радоста“ – вели Марјан Ѓуровски, професор за безбедност.

Според него, вакцината „Спутник В“ е најнова алатка во рацете на Руската Федерација за остварување комбинирано влијание од сопствен интерес врз надворешната политика на повеќе држави.

– Преку процесот на вакцинирање, ЕУ, за жал, уште еднаш ја потврди својата неефикасност и потребата од менување и тоа прво однатре по преземање на новото германско лидерство во услови на дискутабилно поведение на официјален Париз. Воедно, доставувањето во најголем дел на кинески и на руски вакцини во регионот е директно „кршење на ’рбетот“ на ЕУ во срцето на Балканот, каде може да се очекуваат значајни поместувања. Целиот европски проект ризикува да ја загрози смислата на своето постоење во очите на сопствените граѓани – изјави за „Слободен печат“ Ѓуровски.

Тој додава дека вакцината се користи како хибридна алатка, бидејќи асиметричните закани никогаш не престанале и сега тие се механизам за обид за политичка и за економска доминација или за ново мешање на шпилот карти.

– Во обидот да се менаџира пандемијата, разликите и поделеноста се продлабочија, а во такви услови хибридните закани стануваат многу поефикасни и претставуваат голем безбедносен ризик. Руската вакцина „Спутник В“ ја отвора вратата во иднина за модус операнди на руската надворешна политика и руските разузнавачки служби во Европа и на Балканот, која секогаш е приспособена кон локалните околности. Различни делови од рускиот хибриден апарат се употребуваат во различен обем и мера според локалните или регионалните потреби на апликација – нагласува тој.

Според него, надворешната политика на Руската Федерација го искористи неснаоѓањето на Европската Унија и притоа си создава почва, во претстојниот период да користи класични политички средства за влијание преку продор во политичките и во бизнис елитите на поединечните земји, како и преку економски и енергетски средства за влијание.

Поврзани вести

Нова скандалозна порно-група со слики и видеа: На Телеграм се појави „Перверзии на Балканот“

Слободен печат

Лајчак: Несомнено за Косово, успех во дијалогот значи да се стане земја кандидат за ЕУ

Слободен печат

Германија, Шпанија и Франција заедно ќе развијат нов борбен авион

Слободен печат

Регионален ковид-19 пресек: Мал пад на бројот на нови инфекции

Слободен печат

Бугарски брачен пар заврши зад решетки во Германија: Продавале новороденчиња во Грција

Слободен печат

Маск: Старлник услугата ја нарачаа половина милион луѓе

Слободен печат

Остави Коментар