Голем број славни ѕвезди немале среќен живот. Некои од нив биле малтретирани од своите партнери, а други пак биле жртви на сопствените родители.

Насилството е присутно секаде, а дури ниту популарните не се поштедени. Меѓу нив се Тина Тарнер, Шарлиз Терон, Ријана, Кристина Агилера… Тие поминувале низ вистински пекол поради своите блиски.

ТИНА ТАРНЕР: Маж ѝ ја мачел и силувал

Ајк Тарнер неколкупати за малку ќе ја убиел својата сопруга, а често ја присилувал и на секс. Нивниот брак е познат како најнасилниот меѓу ѕвездите. Се разведоа во 1976 година.

ШАРЛИЗ ТЕРОН: Мајка ѝ го убила татко ѝ

Актерката го поминала детството со насилен татко алкохоличар, кој неколкупати ја претепал мајка ѝ. Кога имала само 15 години, сведочела како нејзината мајка во самоодбрана го убива татко ѝ.

МАДОНА: Шон Пен ја тепал често

Во текот на нивниот брак, Шон Пен често бил насилен со пејачката. Поради тоа е и осудуван за семејно насилство. Поранешните партнери никогаш не зборуваат јавно за нивниот брак.

РИЈАНА: Му простуваше на Крис Браун

Овој случај важи за еден од најшокантните меѓу познатите. Се зборуваше дека Крис Браун ја турнал Ријана преку прозорец, а потоа ја тепал без да гледа каде удира. Денеска Ријана смета дека ниту една жртва не смее да го крие насилството.

КРИСТИНА АГИЛЕРА: Трауми од родениот татко

Кристина Агилера никогаш не криела дека нејзиниот татко, Фаусто Вагнер Хавиер Агилера, ги тепал и нејзе и нејзината мајка. Насилството го памети уште од најрано детство. Никогаш не му го простила тоа, но чувствувала грижа на совеста по неговата смрт.

АМБЕР ХЕРД: И жртва и виновна

Во барањето за развод од Џони Деп, Амбер навела дека е жртва на неговото физичко и емоционално насилство. Но, истото го тврди и тој и поднел тужба против нејзе.

РИС ВИТЕРСПУН: Страдала поради насилник

Познатата актерка открила дека во своите тинејџерски години била во насилна врска, но ѝ било тешко да ја прекине. Но, потоа сфатила дека едноставно, не може да биде со таква личност и раскинала. Како што вели, тоа целосно ја променило.