Популарната пејачка Тајчи откри што прави во самоизолација во САД, а на фановите им испрати неколку совети (ФОТО)
Пејачката Татјана Камерон Тајчи, која живее во САД, на социјалните мрежи откри каква е тамошната ситуација со пандемијата од коронавирусот.
Таа им порача на фановите да останат дома и да ги следат препораките на властите.
„Останете дома, дистанцирајте се од други луѓе, мијте ги рацете, бидејќи тоа се некои од работите на кои можеме да влијаеме во оваа пандемија. Ако се борите со стрес, тоа исто така е во ред, тоа е нормална реакција и ве молам, не дозволувајте да ви биде непријатно поради тоа“, напиша Тајчи на својот Инстаграм.
Тајчи објави и дека сите музичари длабоко во себе знаат дека ќе свират и пеат во која било ситуација во животот. Таа смета дека да се биде музичар е животен повик, а вели дека е убедена оти колегите ширум светот ја разбираат и се согласуваат со неа.
„Без разлика на тоа што се случува во светот, музиката е секогаш овде за да не утеши, да ни го крене духот, да ни донесе надеж и да не насмее. Пеењето ослободува ендофрин, хормони кои се добри за имунолошкиот состав. Поради тоа почнете да пеете и играте“, напиша пејачката пред неколку дена.