Поповски: Значи, јас читам сега диво месо, а Вие слушајте диво градби!
На отворањето на годинашното издание на фестивалот „Охридско лето“, режисерот Александар Поповски, отворено побара да се заштити културното и природното наследство на Охрид. Тој тоа го стори со споредба со една од најзначајните драми на неодамна починатиот режисер Горан Стефановски.
– Ако дивоградбите ги разбереме како метафора на нашиот свет, тогаш Горан, треба твоето диво месо да го земеме како рецепт. Значи, јас читам сега диво месо, а Вие слушајте диво градби. Диво месо е верување дека ако некому влезе влакно во грлото, околу коренот на влакното ќе се створи месо кое не е човечко и кое ќе расне и ќе нарасне толкаво да го угуши човека. Месото мора да се откорне со нокти а раната да се изгори со жар – рече Поповски, пренесе 360.
На отворањето на Охридско лето, каде што настапи виолинистката Венеса Меј, зборуваше и претседателот Стево Пендаровски.