Селекторот на репрезентацијата на САД, Грег Попович им даде еден одмор на своите кошаркари пред дуелот со Грција во кој ги очекува пресметка со „суперхеројот“, Јанис Адетокумпо.
– Природна работа е да се одморат играчите пред дуелот со суперхеројот. Ги одморив за да бидат максимално подготвени за Јанис – изјави Поповиќ.

Американскиот селектор зборуваше и за своите впечатоци од досегашниот дел од Мундобаскетот и дуелите со репрезентации од сите страни на светот.

– Знаевме дека овие играчи од разни страни на светот знаат да играат, некои ги знаеме и од НБА, но Јанис е специјален. Имам чувство дека кога играчи како Јанис играат за своите репрезентации, тие стануваат суперхерои. Тие уживаат да играат заедно и тоа важи за сите селекции на ова СП. Многумина од нив се заедно уште од малите категории и сите дишат како еден – вели Попович.