Попович им забрани мобилни телефони на НБА ѕвездите
Грег Попович, селекторот на репрезентацијата на САД, одлучи да ја подобри атмосферата помеѓу кошаркарите и им забрани да користат мобилни телефони за време на заедничките вечери.
Тренерот на Сан Антонио смета дека еден од условите за успех на Светското првенство во Кина е изградба на „хемија“ помеѓу репрезентативците.
– На сите им е јасно како функционираатр спортските екипи. Кога ќе иградите чувство на одговорност, грижа и љубов помеѓу играчите, секогаш се добри резултатите. Затоа ние доста време поминуваме заедно и надвор од терените, разговараме за разни работи, за сопругите, девојките, децата. Веќе одиме на вечера без мобилни телефони за да може да зборуваме помеѓу себе. Кога екипата е нова, како нашата, вакви чекори не смеат да се пропуштат – вели Поповиќ.
Репрезентацијата на САД на Мундобаскетот во Кина доаѓа како бранител на трофејот, и во групата Е за противници ги има Јапонија, Турција и Чешка.