Самата кампања е за правото и обврска за глас. Гласав и на првите повеќепартиски избори. Многу одамна ми е јасно дека правото на глас е обврска и тоа луѓето треба да го земат најсериозно. Гласањето е едно од битни орудијата за зацврстување на демократијата во нашата земја, изјави во телефонско јавување во емисијата „Утрински брифинг“ на „Слободна ТВ“ музичарот Мирко Попов.

-Да бојкотираш демократија и демократски процес е многу арогантно. Да се замислуваш дека ти си подобар од овој свет не е во ред. Бојкотирањето во исто време е најглупавиот начин да се прати порака. Имаме еден куп од оние кои сакаат да видат како светот гори и демократијата пропаѓа, вели Попов и додава дека понуда секогаш постои и давајќи глас се јакне демократијата.