Францускиот тренер и еден од најдобрите фудбалери на сите времиња, Зинедин Зидан, никако да најде заеднички јазик со претседателот Флорентино Перез, поради што би можел да го напушти клубот, кој во првиот тренерски мандат донесе три титули по ред во ЛШ.

После лошите епизоди со Солари и Лопетеги, Перез одлучи да го врати Зидан на клупата, сезонава испадна тимот од Кралскиот куп, го освои Суперкупот на Шпанија, а со победата во „Ел Класико“ ја прескокна Барса и се врати на врвот на табелата.

Но, од друга страна во ЛШ се во лоша ситуација, останаа без капитенот Рамос во поразот од Манчестер сити (1:2) на „Бернабеу“ во осминафиналето, па ќе имаат тешка задача на реваншот на „Етихад“.

Juventus are hoping to convince Zinédine Zidane to become their new coach next season and are willing to offer him a €7million deal. The Frenchman is still in love with Turin and Real Madrid would happily let him leave. [Daily Mail] pic.twitter.com/AKCMkOp1pU

— RMOnly (@ReaIMadridOnly) March 6, 2020

Поради тоа се шпекулира дека голема желба на Јувентус е Зидан да седне на тренерската клупа на италијанскиот фудбалски шампион.

Кон таа цел првиот човек на екипата Андреа Ањели веќе подготвува понуда која Французинот тешко ќе ја одбие, односно подготвен да му понуди договор на три години вреден седум милиони фунти годишно.

Своевремено како професионален играч настапуваше за Јувентус, двапати ја освои титулата во Серија А во сезоните 1996/97, 1997/98, а воедно доаѓаше до трофеи во Суперкупот на Италија, УЕФА Суперкупот и Интерконтиненталниот куп.

Како тренер на „кралскиот“ клуб досега еднаш ја освои „Ла Лига“, по двапати Суперкупот на Шпанија, УЕФА Суперкупот и ФИФА Светското клупско првенство, а трипати Лигата на шампионите.