Американскиот државен секретар Мајк Помпео разговарал со генералниот секретар на НАТО, Јенс Столтенберг за тензиите меѓу Грција и Турција во источен Медитеран, пренесува Бета.рс.

Помпео кој вечерва доаѓа во официјална посета на Грција, на Твитер напиша дека со Столтенберг разговарал за „деескалација на ситуацијата во источен Медитеран“ и повторно „укажа на важноста од единство во НАТО“.

Pleased to speak today with @NATO Secretary General @jensstoltenberg to discuss de-escalation of the situation in the Eastern Mediterranean and reiterate the importance of NATO Alliance unity.

— Secretary Pompeo (@SecPompeo) September 27, 2020

Тензичните односи меѓу Грција и Турција, двете членки на НАТО, додатно се влошија годинава, заради долготрајните спорови меѓу кои и прашањето околу морските граници и правата за пребарување на наоѓалишта за нафта и гас во источниот дел на Средоземното море.

Грција во спорот има голема поддршка од Франција.

Помпео треба да пристигне во Солун околу полноќ, во рамки на петдневната тура во Европа, при што ќе ги посети и Италија, Ватикан и Хрватска.

Back on the road and heading to Europe to reinforce our strong bilateral relationships and the importance of sustained regional cooperation. First stop: Thessaloniki, Greece. pic.twitter.com/eoIqdGmHso

— Secretary Pompeo (@SecPompeo) September 27, 2020

Стејт департментот наведе дека Помпео ќе се сретне со грчкиот премиер Киријакос Мицотакис и со министерот за надворешни работи, Николаос Дендиас за да поттикне заедничка посветеност на двете земји во зајакнување на безбедноста, мирот и просперитот во источниот Медитеран и укажа на најдобри односи на Вашингтон и Атина во повеќе децении.

Помпео во Грција ќе остане до среда кога лета за Рим.