Помпео се закани со санкции за секоја продажба на оружје за Иран

Американскиот државен секретар Мајк Помпео изјави дека продажбите на оружје за Иран ќе ги прекршат резолуциите на ОН и ќе доведат до санкции. Тоа се случува откако Техеран објави дека завршило долгогодишното ембарго на ОН за трговија на оружје со Иран.

„САД се подготвени да го санкционираат секој физички и правен субјект кој значително придонесува за испорака, продажба или трансфер на конвенционално оружје од или до Иран. Секоја земја што се стреми кон мир и стабилност на Блискиот Исток и ја поддржува борбата против тероризмот, мора да се воздржи од каков било договор за вооружување со Иран“, се вели во соопштението на Помпео.

Техеран, кој сега може да купува оружје од Русија, Кина и од други места, го поздрави крајот на ембаргото како дипломатска победа над својот непријател, САД, кои се обидоа да одржат неодредено замрзнување на продажбата на оружје.

Прочитајте и...  Сенатот во понеделник ќе гласа за потврдување на судијата Барет

Претседателот Доналд Трамп ги повлече САД од нуклеарниот договор во 2018 година и започна еднострано да воведува санкции против Иран.

Помпео нагласи дека „во изминатите 10 години, земјите се воздржуваа од продажба на оружје на Иран под различни мерки на ООН. Секоја земја што сега ќе ја прекрши таа забрана, ќе избере многу јасно поттикнување на конфликтот и заканата по мирот и безбедноста”

(Извор: МИА)

Поврзани вести

Рушиме рекорди: Дванаесет лица починаа, нови 641 пациент заразени со ковид-19

Слободен печат

Николовски: Работиме силно на враќање на довербата во институциите од страна на граѓаните

Слободен печат

Бочварски: Инвестираме над 87 милиони евра за изградба и рехабилитација на патната мрежа во Крива Паланка и околината

Слободен печат

Врвот на Европската Унија на средба на 29 октомври: Темата ковид-19

Слободен печат

Села – Клеменс Која: Пописот на населението мора да биде веродостоен и во согласност со стандардите на Евростат

Слободен печат

Руски истражувачки центар „Вектор“: Откриени над 80 мутации на ковид-19, но не влијаат врз развиената вакцина

Слободен печат

Остави Коментар