САД разговараат со Турција и разгледуваат различни можности како да и помогнат на оваа земја  околу ситуацијата во сириската провинција Идлиб, изјави американскиот државен секретар Мајк Помпео.

-Ние сме крај нашиот сојузник, членка на НАТО, после бескрупулозниот и дрзок напад врз турските сили во Идлиб, во кој погинаа 33 војници- наведе Помпео во соопштението, изразувајќи сочуство до турската Влада.

Тој соопшти дека САД најостро го осудуваат нападот и дека „режимот на сирискиот претседател Асад, Русија, Иран и Хезболах мораат да ги прекинат нападите врз Идлиб”, пренесуваат агенциите.

Помпео оцени дека „нивните акциии директно го спречуваат воспоставувањето на примирјето на северот од Сирија”.

-САД соработуваат со Турција и разгледуваат опции за помош на оваа земја во борбата против таа агресија, додека се обидуваме да спречиме натамошна бруталност на режимот на САД и Русија и ги намалиме хуманитарните последици во Идлиб- наведе Помпео.