Помпео: САД се посветени на заштита на правата на лицата со посебни потреби
САД ја истакнуваат својата посветеност за целосна вклученост на лицата со посебни потреби во животот и општеството, истакна во денешното соопштение државниот секретар Мајк Помпео.
– Горди сме да укажеме на строго почитување на Законот за Американците со посебни потреби на сојузно и приватно ниво, исто така и на другите федерални, државни и локални закони што гарантираат отворен и еднаков пристап до објектите, пазарите, работните места, стоките и услугите, се наведува во изјавата на Помпео.
Тој на Меѓународниот ден на хендикепираните лица најави отворање на Центар за пристап во Стејт департментот – интерактивен објект што демонстрира технологии за помош што ги отстрануваат бариерите за нашите вработени со хендикеп.
Помпео потенцира дека САД ја потврдуваат својата приврзност кон заштита на човековите права на сите, и постигање еднавки можносто во образованието, вработувањето и вклученоста во граѓанскиот живот на луѓето со посебни потреби.
Извор.МИА