Помпео до Курти: Укинувањето на таксите и меѓусебното признавање со Србија треба да бидат приоритети
Укинувањето на тарифите за продуктите од Србија и БиХ ќе биде важно за враќање на странките на масата за преговори. Ние се надеваме и очекуваме ова да биде приоритет, по позитивниот момент кој се направи по потпишувањето на договорите за авионската и железничката линија помеѓу Приштина и Белград – се вели во писмото на Помпео.
Американскиот државен секретар Мајк Помпео преку писмо му честиташе на Албин Курти за премиерското место. Во писмото, Помпео се надева дека остранувањето на таксите со Србија и Босна и Херцеговина и меѓусебното признавање со Србија се приоритети на новата влада.
– Укинувањето на тарифите за продуктите од Србија и БиХ ќе биде важно за враќање на странките на масата за преговори. Ние се надеваме и очекуваме ова да биде приоритет, по позитивниот момент кој се направи по потпишувањето на договорите за авионската и железничката линија помеѓу Приштина и Белград – се вели во писмото на Помпео.
Во однос на меѓусебното признавање помеѓу Косово и Србија, Помпео истакнал дека сега е време за остварување на нормални односи со Србија, односи кои за цел ќе имаат меѓусебното признавање, и кои се од суштинско значење за потполна меѓународна интеграција на Косово.
Според него, САД ќе даде подршка за овој процес и ќе помогне во остварување на заедничките цели, како што се владеењето на правото и економскиот раст.