Помош во кујната: На кои начини можете да го искористите оризот

Оризот го сакаат сите, а освен совршен прилог или додаток во јадењата, се смета за диетална храна. Но постојат уште начини за користење на оризот, кои немаат врска со готвењето. Тој може да ви биде одличен помошник во кујната, со оглед на својствата да впива влага и задржува топлина.

Во соларник – Сигурно ви се случило солта тешко или никако да не излегува од соларникот, бидејќи е згрутчена. Ставете во соларничето неколку зрна ориз и добро протресете. Проблемот ќе биде решен засекогаш. Оризот ќе ја впива влагата и солта нема да се згрутчува.

Како термофор – Ако ви се случи да ве боли стомак, добредојден е термофор со кој ќе го затоплите. Но ако немате термофор, оризот може да послужи како одлична замена. Со оглед дека задржува топлина, загрејте го во микробранова печка, ставете го во чорапа и за миг имате импровизиран термофор.

Чистење на мелницата за кафе – Ако не можете добро да ја исчистите мелницата од ситни остатоци од кафе, ќе ви помогне оризот. Сомелете мала количина ориз која ќе се измеша со остатоците од кафе и испразнете го апаратчето.

Чистење електроника – Една од најлошите незгоди е кога некој електронски уред ќе се натопи со вода. Не можете да го исушите или да го избришете. На пример, ако мобилниот телефон или далечинскиот управувач сте ги натопиле со вода, ставете ги во сад полн со ориз да стојат неколку часа или цела ноќ. Оризот како кај солта, ќе ја впие влагата и уредот ќе работи без проблем.

Чистење кутии – Ако користите пластични кутии дома, на лесен начин можете да ги исчистите ако во нив ставите околу два сантиметра ориз и дупло вода. Затворете ја кутијата и протресете ја. Оризот ќе ја исчисти целата останата нечистотија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот