Полуподморница – нова туристичка атракција во Охрид

За новата туристичка сезона, пловило со стаклено дно во водите на Охридското Езеро ќе привлекува туристи со можноста да се гледа подводниот свет до скоро два метри длабочина. Нешто што до сега беше „привилегија“ на мега популарните туристички места.

Нејзиниот капацитет е до 12 луѓе и во Охрид беше донесена од Сплит, Хрватска. Таа плови на површината од водата и не може да нурне целосно како класична подморница.

Полуподморницата е долга 10 метри, а широка 2,5 метри. Се очекува наскоро да почне со работа.

Горан Устијаноски од Охридската капетанија во разговорот во „Утрински брифинг“ на „Слободна ТВ“, истакна дека подморницата е во сопственост на човек кој е заљубеник во Охрид и заради уникатните услови во езерото ова ќе биде супер шанса за туристите.

-Во Хрватскиот регистар на бродовои овој пловен објект е сертифициран како чамец и како чамец ќе плови. За жал оваа година ќе биде послаба и ќе изостане голем број на гости од странство. Затоа и апелирам и лично сум незадоволен од пристапот од одредени медиуми кои форсираат кога ќе бидат отворени границите со Грција итн…треба да тежиме нашите гости да ги насочиме кон Охрид. Спасот и на економијата е во Охрид, рече Устијаноски.

Од Капетанија на пристаништа во Охрид очекуваат во иднина бројот на вакви пловила да се зголемува поради атракцијата што ја нуди. Цената на ова пловило кое е во сопственост на фирма од Кавадарци, изнесува околу 130 илјади евра.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот