Полскиот министер за финансии поднесе оставка, Моравјецки ќе ја извршува функцијата додека се најде наследник

Матеуш Моравјецки / Фото: EPA-EFE/Szilard Koszticsak HUNGARY OUT

Полскиот министер за финансии Тадеуш Кошински поднесе оставка, изјави денеска портпаролот на владејачката Партија на правото и правдата (ПиС) по спорот околу даночната реформа.

Полскиот договор, постигнат во јануари, беше реформа насочена во корист на сите Полјаци, освен оние кои заработуваат најмногу, а тоа предизвика бес откако некои луѓе со пониски приходи, како што се наставниците, добија намалувања на платите наместо зголемување, објави Ројтерс.

Новите правила се нејасни дури и за даночните експерти, велат критичарите.

„Министерот прифаќа политичка одговорност за одредени пропусти што се појавија во примената на новите даночни правила“, рече на прес-конференција портпаролката на ПиС, Анита Червинска.

„До изборот на нов кандидат, оваа функција ќе ја врши премиерот Матеуш Моравјецки“, додаде таа.

Видео на денот