Полски новинар може да добие казна затвор од три години затоа што го нарече претседателот „кретен“

Полскиот писател и новинар Јакуб Зулцзик може да добие казна затвор од три години затоа што го нарече претседател Анджеј Дуда „кретен” во објава на Фејсбук во ноември, пишува Би-Би-Си.

Зулцзик го обвини Дуда дека не го разбира американскиот изборен процес поради твитот што го испрати до Џо Бајден.

Дуда тогаш во твитот не ја призна победата на Бајден, туку ја чекаше номинацијата на Изборниот колеџ и ја пофали неговата „успешна кампања”.

Откако американските медиуми го прогласија Бајден за победник на 7 ноември, полскиот претседател објави на Твитер: „Честитки за Џо Бајден за успешната претседателска кампања”.

„Додека ја чекаме номинацијата на Изборниот колеџ, Полска е решена да го одржи високото ниво и високиот квалитет на полско-американското стратешко партнерство за уште посилен сојуз”, додаде Дуда.

Зулцзик се осврна на твитот на Дуда на Фејсбук и напиша дека ја проучувал американската политика со голем интерес и дека „никогаш не чул за нешто како номинација за Изборниот колеџ”.

„Џо Бајден е 46-от претседател на Соединетите Држави. Анджеј Дуда е кретен”, напиша Зулцзик.

Обвинителите посочија дека неговата објава е навредлива и неприфатлива.

Јакуб Зулцзи, новинар и автор на романот „Заслепен од светлата” од 2014 година, рече дека за обвиненијата дознал преку медиумите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот