Полската нафтена компанија „Орлен” купи 20 водечки регионални дневни весници

Полската државна нафтена компанија „Орлен” купи 20 водечки регионални дневни весници во Полска, што многумина сметаат дека е клучен доказ дека полските власти не се откажуваат од намерата за натамошно ограничување на слободата на медиумите.

„Ние го преземаме Полска прес. Благодарение на оваа инвестиција, ќе можеме да достигнеме до 17,4 милиони читатели преку интернет. Ова ќе ни помогне да го зајакнеме одделот за продажба и дополнително да ги подобриме алатките за обработка на големи податоци”, објави директорот на „Орлен”, Даниел Обајтек преку Твитер.

„Орлен” ја купи медиумската група Полска Прес од Германската издавачка група Пасау (ВГП), која работи во Германија и Полска. Компанијата соопшти дека одлучила да ја продаде својата филијала за медиуми во Полска, која ја гради веќе 26 години, од стратешки причини.

Иако Обајтек ја претстави трансакцијата како добар деловен потег за „Орлен”, чија основна дејност е рафинирање и продажба на нафта и нафтени производи, критичарите на Владата сметаат дека оваа набавка има за цел зајакнување на влијанието на Владата врз медиумскиот сектор.

Даниел Обајтек во јавноста се смета за лојален член на владејачката конзервативна партија Право и правда.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот