9 C
Скопје

Полска со апел до производителите на вакцини против ковид-19: Споделете ја лиценцата

Полска им предложи на производителите на вакцини да ја „споделат” лиценцата за производство, изјави полскиот министер за одбрана Мариуш Блашчак за националното радио. Полска во моментов добива вакцини од три производители – од „Фајзер“, од „Модерна“ и од „АстраЗенека“. Сите испораки се во рамки на европскиот договор. Властите во земјата постојано изразуваат незадоволство против производителите кои не ги исполнуваат претходно склучените договори за условите и обемот на испораките.

– Договорот што Европската комисија го потпиша со производителите на вакцини се покажа како неефикасен. Премиерот Матеуш Моравјецки предложи компаниите да ги споделат своите лиценци за производство, со цел одобрените вакцини да можат да бидат произведени од други фармацевтски компании, вклучително и оние со капацитети во Полска, рече Блашчак.

Прочитајте и...  ВИДЕО | Васева: Младите уметници да се охрабрат да конкурираат за наградата денес зашто овозможува меѓународни резиденции

Тој истакна дека Полска има можности да произведува вакцини.

Полскиот министер за одбрана потврди дека властите разговараат за можноста за купување вакцини од Кина. Претстои состанок на групата за управување со кризи, на кој ќе се дискутира на оваа тема.

– Бараме можност што побрзо да вакцинираме што е можно повеќе од населението, рече Блашчак.

Според последните податоци, во Полска се испорачани повеќе од 3,85 милиони дози вакцини, од кои се искористени повеќе од 3,33 милиони дози.

Полскиот премиер Матеуш Моравјецки минатата недела изјави дека фармацевтските компании кои добија државна поддршка за развој на вакцина против ковид-19 треба да ги поделат правата на интелектуална сопственост со другите за да се зголеми производството.

Прочитајте и...  Заев: „Шарената револуција" предизвика огромни промени во македонската политичка и општествена реалност

– Парите што ги потрошивме заедно за оваа цел беа наменети за научници и фармацевтски компании, а сега се чини дека заостануваат во производството, односно вакцините од европските фабрики се испраќаат надвор од ЕУ, напиша Моравјецки на социјалните мрежи.

– Здравјето и животот на граѓаните се премногу важни за да бидат жртвувани за подобро финансиско работење на неколку компании, истакна полскиот премиер, додавајќи дека дал предлог за споделување патенти на вчерашниот самит на ЕУ.

Фармацевтските компании би добиле компензација за пренесување на правата на интелектуална сопственост, изјави портпаролот на полската влада Пјотр Мулер.

Кон крајот на јануари, претседателот на Европскиот совет, Шарл Мишел им се закани на фармацевтските компании со вонредни мерки доколку испораките на вакцините продолжат да се одложуваат.

Прочитајте и...  Филипче: Две илјади кинески вакцини од „Синофарм“ пристигнаа на аеродомот во Софија, до вечер ќе пристигнат во земјава

Членот 122 од Договорот за ЕУ пропишува вонредни мерки „во случај на сериозни потешкотии во снабдувањето со одредени производи”.

Земјите од ЕУ може да ја овластат Европската комисија да донесе одлука за вонредни мерки, изјави неименуван официјален претставник за агенцијата ДПА. Брисел, на пример, може да издаде „присилна лиценца” што ќе овозможи вакцината да ја произведуваат други производители, без согласност на сопственикот на патентот, сугерира тој.

Поврзани вести

ВИДЕО | Најголем дел од апликантите на повикот на ФИТР се компании кои првпат конкурираат, разговор со Тања Илијевска

Слободен печат

Прва жена шеф на најстарата светска агенција: Галони нова главна и одговорна уредничка на Ројтерс

Слободен печат

Славчо најавува облачно време со дожд и грмежи

Слободен печат

„Слободен печат“ неколку дена по ред е цел на континуирани и добро организирани напади

Слободен печат

ЕУ до крајот на 2021 година добива 200 милиони вакцини „Џонсон & Џонсон”, за кои не е потребна втора доза

Слободен печат

Лансет: Британската варијанта на коронавирус не предизвикува потешки форми на ковид-19

Слободен печат

Остави Коментар