Полска ќе го реформира спорниот Дисциплински совет

Полско знаме/ фото: МИА

Полска ќе го укине системот за дисциплинирање на судиите, за кој највисокиот суд на Европската унија пресуди дека ги прекршува правилата на ЕУ, соопшти денеска лидерот на полската владејачка партија во интервју за државната новинска агенција ПАП, пренесува ДПА.

Европската комисија и даде рок на Полска до 16 август да го распушти Дисциплинскиот совет, за кој ЕУ тврди дека не ја гарантира независноста на судството и ги поткопува законите на Унијата.

– Ќе го распуштиме Дисциплинскиот совет што работи во моментов и на овој начин предметот на спорот ќе исчезне, рече Јарослав Качински, вицепремиер и претседател на владејачката Партија на правото и правдата.

Полска се соочува со парични казни или губење на дел од Европскиот фонд за развој доколку ова прашање не се реши.

Но, Качински рече дека реформите во судството, вклучително и предлогот за реформа на Советот, биле веќе испланирани и ја отфрли одлуката на највисокиот суд на ЕУ.

Не ги признавам таквите пресуди бидејќи тие јасно ги надминуваат Договорите и ја прошируваат надлежноста на судовите на ЕУ, рече тој.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот