Полни шеталишта и плажи: Шпанците по два месеци излегоа надвор! (ФОТО)
На возрасните личности во Шпанија од денеска им е дозволено да се занимаваат со спортски активности надвор од дома.
Откако шпанската влада започна со постепено попуштање на мерките, воведени поради пандемијата од Ковид-19, луѓето ширум земјата излегоа утринава надвор поради рекреација и прошетка, првпат по седум недели.
Луѓе утринава излегоа на воздух на познатата патека Пасео Маритимо / Фото: Барселона, Шпанија / Фото: EPA-EFE/Quique Garcia EPA-EFE/Quique Garcia
Во Барселона на патеките покрај плажите утринава можеа да се видат многу луѓе како трчат и возат велосипеди.
На возрасните им е дозволено да излеуваат на прошетки или на вежбање од 6 до 10 сабајле, како и од 20 до 23 часот. Постарите смеат да излегуваад од 10 до 12 претпладне, како и од 19 до 20 часот попладне, додека децата под 14 години смеат да си играат надвор од 12 до 19 часот.
На широките булевари ширум Мадрид се забележани многу велосипедисти и скејтбордери, пренесува Ројтерс.
Шпанската влада одлучи да започне со ублажување на рестриктивните мерки, откако беше забележан пад на бројот на заболени, а ситуацијата во болниците се подобрува.
Шпанскиот премиер во вторникот најави план во четири етапи кој би требало да ги доведе работите во нормала во земјата до крајот на јуни.