„Политика“: Во северно Косово рафтовите се празни – Нема зејтин, сол и шеќер

Жителите на четири општини во северно Косово се наоѓаат еден чекор од хуманитарна катастрофа, бидејќи во продавниците недостасуваат основните артикли, јавува весникот „Политика”, пренесува Експресс.

Весникот тврди дека околу 400 приватни трговци, сопственици на продавници за храна, планираат да ги затворат нивните објекти бидејќи рафтовите се празни, а веќе неколку дена не пристигнува млекото и млечни производи, како и зејтин, шеќер и сол.

Претседателот на Здружението на стопанственици во Северно Косово, Радош Петровиќ, изјавил за „Политика” дека „резервите од брашно се потрошени, така што до четвртокот нема да има леб во полиците”. Весникот пишува дека во Северно Косово е забележана зголемена контрола на инспекциските служби, кои се во косовскиот систем.

Пред три дена, косовскиот премиер Рамуш Харадинај изјави дека Белград планира повлекување на стоките за да предизвика хуманитарна катастрофа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот