Весникот „Политика” објави денеска, во напис под наслов „Србија е полна со мали Ескобари”, дека Србија е се повеќе вклучена во трговијата со дрога и е вклучена во т.н. Балканскиот картел, за кој оценуваат меѓународните полициски организации дека е во пораст.

Весникот наведува дека е потврдено од српското МВР дека во текот на изминатите две години се запленети над 10 тони дрога во земјата – лани четири и оваа година повеќе од шест, со што 2019 година е рекорд по заплена на дрога, бидејќи се води статистика.

Во тие статистики не е опфатена и запленета на марихуана во „Јовањица” – 650 килограми подготвени за продажба и уште други речиси четири тони.

Дарко Шариќ, наречен Балкански Ел Чапо и Радосав Цвијовиќ, кого многумина го нарекуваат „новосадски Ескобар”, се најголемите дилери на кокаин.

Што се однесува до хероин, „Политика” наведува дека најголемата заплена оваа година во Србија се случила кон средината на ноември, кога биле откриени 77 килограми вредни пет милиони евра, а уапсен е осомничениот лидер на нарко група, Младен Новаковиќ Тоцило.

Весникот пренесува извештаи на Европскиот центар за следење дрога и Европол дека, покрај традиционално најголемите колумбиски и италијански криминални групи, групи од Србија и Албанија стануваат позначајни во трговијата со кокаин.

„Нагласено е дека српските криминалци добро соработуваат со ‘колегите’ од други држави од поранешна Југославија, па затоа од европската полиција беа наречени и „Балкански картел”, пишува Политика.

Тој картел е составен од криминални групи од територијата на поранешна Југославија и „најзастапени се Србите, Хрватите и Црногорците, кои добро соработуваат едни со други, но и со соседите: Албанци, Бугари и Италијанци”.

„Политика” потсетува дека за разлика од кокаинот, што доаѓа од Латинска Америка, хероин доаѓа од исток – претежно од Авганистан, а во помала мерка од Пакистан, Иран, источна Турција и земјите од Централна Азија.

„Главните рути за шверц на хероин (до земји од ЕУ) поминуваат низ Турција, Бугарија, Албанија, а потоа преку Косово преку Србија”, пишува весникот, додавајќи дека кога пристигнува хероин на Косово, клановите на дрога ги пакуваат во помали количини и потоа транспортираат по копно.